Tiendemaandinsameling 2019

Deur: ds. Callie Visagie

Die vierde kwartaal is sinoniem met die feesmark en die gemeente se jaarlikse tiendemaandinsameling.  In dié tyd vra ons lidmate om uit dankbaarheid iets ekstra vir gemeentewerk te gee.  Ons mikpunt vir hierdie jaar is R1 850 000.

Lidmate wat aan die insameling deelneem deur ’n bydrae te maak, ontvang elkeen in ruil ’n dankie-sê-geskenkie in die vorm van ’n Haworthia-plantjie, of beter bekend in die volksmond as ’n  tarentaaltjie of die zebraplant.  Die Kweek-vir-die-Here-span het die plantjies sedert Januariemaand vir die doel gekweek.  Dié vetplant met sy eiesoortige gestreepte blare is inheems aan Suid-Afrika en deel van die aalwynfamilie.  Dit is ‘n kleiner plantjie met ‘n wit blommetjie en vaar goed in potte.

Bring asseblief op Sondag 27 Oktober jou bewys van betaling, of ’n kontantbydrae in ’n koevert, saam na die gesamentlike erediens sodat jy ’n plantjie in ontvangs kan neem.  Elektroniese oorbetalings kan gedoen word na: NG Kerk Stellenberg, ABSA, tjekrekening 145 058 0011, takkode 632005. Gebruik tiendemaand as verwysing.

Maar ek het alles ontvang en ek het meer as genoeg. Noudat ek van Epafroditos ontvang het wat julle gestuur het, het ek alles wat ek nodig het. Julle gawe is voor God ‘n offer met lieflike geur, vir Hom aanneemlik en welgevallig. Fil. 4:18