KINDERWERKER
Brenda Visser is ons gemeente se Kinderwerker.
Kontak haar gerus by: 021 976 4519 / [email protected]
KLEUTER- EN PEUTERKERK
Die kleuter- en peuterkerk word Sondagoggende om 09:00 tydens skoolkwartale aangebied. Die kleuterkerklokaal word vanuit die grootsaal bereik. Neem asb. kennis daar is geen kleuter- en peuterkerk tydens skoolvakansies en langnaweke nie. Dis groot pret – bring gerus jou peuter van 3 jaar oud of kleuters tot 6 jaar oud om deel te neem aan die pret. Hulle leer op ‘n speelse wyse elke Sondag iets oor die Bybel. Klassies word deur ouers aangebied. Indien jy bereid is om ‘n diensbeurt waar te neem kontak asb. vir Sunet by [email protected]/021 975 1044.
ANNIBRAND JUNIOR (Kategese)
Die volgende aanpassings in ons junior kategesesisteem word op Sondae 10, 17 en 24 November beproef.
- Eredienste: Albei die oggenddienste om 09:00 skop af met ’n kindergreep van ongeveer 20 minute. Kinders kan in dié tydgleuf die erediens op hulle eie vlak beleef deurdat die prediker ’n toepaslike boodskap gerig op die kinders en hul gesinne lewer en die kinders sal ook deelneem aan die samesang. Na die kindergreep verlaat die kinders die erediens en kan die prediker op volwasse lidmate se geestelike behoeftes fokus.
- Annibrand Junior (Kategese): Ons verwys voorts na kategesegroepe as Annibrand Juniorgroepe. Na afloop van die kinderdiens sal kinders die erediens saam met lede van die hallo-span en hulle groepleiers verlaat en verskillende graadgroepe sal in bepaalde lokale byeenkom. Nadat die graadgroepe in hulle onderskeie lokale nesgeskop het, word die kleingroepe op ’n interaktiewe en deelnemende basis deur kleingroepleiers aangebied. Annibrand Juniorgroepe sal teen 10:20 afgehandel wees. Ouers het dus na die erediens nog geleentheid vir saamkuier in die markplein.
- Lokaalindeling:
Graad 1: Ou kafeteria
Graad 2 en 3: Jeuglokaal
Graad 4, 5 en 6: Grootsaal
Kontak asseblief die jeugkantoor, Sunet by 021 975 1044/[email protected] indien jy enige navrae of voorstelle het.
Graad 1-tot-3-kamp: 22 tot 23 November
Kom neem deel aan die ontdekkingsreis vanaf 22 tot 23 November in Stellenberg se grootsaal.
Laai gerus die inskrywingsvorms hier af, voltooi en e-pos aan [email protected]
Inskrywingsvorm graad 1-tot-3’s
Kampdatums vir 2019 is:
Graad 6 en 7 Kamp: 22-24 Februarie 2019
Graad 4 en 5 kamp: 8-9 Maart 2019
Graad 1 tot 3 Kamp: 22-23 November 2019