Hervatting van eredienste in die kerk

Na aanleiding van die vlak 2-regulasies wat sedert 15 Augustus geld en groter beweeglikheid moontlik maak, wil ons graag weer vanaf  Sondag 4 Oktober die aanbieding van eredienste in die kerkgebou hervat.  Alle Covid-19-protokol sal nougeset gevolg word en in die lig daarvan versoek ons lidmate om vooraf plek vir die bywoning van die dienste te bespreek.  Twee oggenddienste sal Sondagoggende in die kerk aangebied word.  Lidmate wat steeds verkies om die diens aanlyn te kyk, kan vanaf 09:00 via www.stellenberg.co.za by die direkte uitsending inskakel, of vanaf 10:00 en enige tyd daarna na die opname van die diens kyk.

Die familie- en meditatiewe dienste sal soos voorheen vanaf 06:00 Sondagoggende aanlyn beskikbaar wees.  Die opnames kan vanaf 06:00 of enige tyd daarna via www.stellenberg.co.za gekyk word.

Die Relevant-diens word Sondagaande om 18:00 in die kerk aangebied.  Graadgroepe word afwisselend uitgenooi om die erediens in die kerk by te woon en na die diens by gespreksgroepe in die kerk in te skakel.  Diegene wat nie die diens bywoon nie, word uitgenooi om deur die Relevant YouTube-kanaal by die direkte uitsending van die erediens in te skakel en via Zoom aan die gespreksgroepe, ná die diens, deel te neem.