Basaar 1 Maart 16:00

Die basaar is propvol lekkernye vir die fynproewers en ’n rits pretaktiwiteite vir die jongspan.  Die kleinspan kan uitsien na springkastele, gesigverf deur ’n professionele grimeerkunstenaar,  helium gevulde ballonne en inkleuraktiwiteite.  Vir die  jongklomp met senuwees van staal sal daar ook ’n abseiltoring wees waar hulle, hulle klim- en seilvaardighede kan toets.

Onder die etes kan jy uit die volgende verskeidenheid kies: vetkoek, roosterkoek, poeding, kerrie en rys, boereworsrolle, jaffels, hamburgers, pannekoek, braaivleis en slaai, pizza’s, wildsvleis (gaar en rou produkte) en chipstix.

Moet ook nie die heerlike tuisgebak op die offertafel misloop nie en ‘n winskopie by die witolifanttafel is ook nie te versmaai nie.  Edelweiss dienssentrum se gewilde pick a box-tafel is weer in die grootsaal vir diegene wat hulle geluk daar wil beproef.

Wyn of bier kan geniet word teen ‘n donasie van R50 per bottel, of R15 per glas, of R25 per bier.  Betalings kan met kontant, kredietkaarte, of SnapScan gedoen word.  Rig asseblief enige navrae rondom die basaar aan: Christine Morsbach by 082 353 9917